ഇൻഫിനിക്സ് നോട്ട് 8, നോട്ട് 8ഐ എന്നീ സ്മാർട്ട്ഫോണുകൾ അവതരിപ്പിച്ചു. വെർച്വൽ ഇവന്റിലൂടെയാണ് ഈ ഡിവൈസുകൾ കമ്പനി ലോഞ്ച് ചെയ്തത്. ഈ രണ്ട് മോഡലുകളും ക്വാഡ് റിയർ ക്യാമറ സെറ്റപ്പോടെയാണ് പുറത്തിറക്കിയിരിക്കുന്നത്. മീഡിയടെക് ഹെലിയോ ജി80 എസ്ഒസിയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. ഇൻഫിനിക്സ് നോട്ട് 8 ഡ്യുവൽ സെൽഫി ക്യാമറകളുമായിട്ടാണ് വരുന്നത്. മികച്ച ഓഡിയോ അനുഭവത്തിനായി ഡിവൈസുകളിൽ ഡിടിഎസ് ഓഡിയോ പ്രോസസ്സിങും നൽകിയിട്ടുണ്ട്.

Notifications

Malayalam » Mobile

ഇൻഫിനിക്സ് നോട്ട് 8, നോട്ട് 8ഐ സ്മാർട്ട്ഫോണുകൾ പുറത്തിറങ്ങി; വിലയും സവിശേഷതകളും

By Deenadayal M

Published:Friday, October 16, 2020, 17:15 [IST]

ഇൻഫിനിക്സ് നോട്ട് 8, നോട്ട് 8ഐ എന്നീ സ്മാർട്ട്ഫോണുകൾ അവതരിപ്പിച്ചു. വെർച്വൽ ഇവന്റിലൂടെയാണ് ഈ ഡിവൈസുകൾ കമ്പനി ലോഞ്ച് ചെയ്തത്. ഈ രണ്ട് മോഡലുകളും ക്വാഡ് റിയർ ക്യാമറ സെറ്റപ്പോടെയാണ് പുറത്തിറക്കിയിരിക്കുന്നത്. മീഡിയടെക് ഹെലിയോ ജി80 എസ്ഒസിയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. ഇൻഫിനിക്സ് നോട്ട് 8 ഡ്യുവൽ സെൽഫി ക്യാമറകളുമായിട്ടാണ് വരുന്നത്. മികച്ച ഓഡിയോ അനുഭവത്തിനായി ഡിവൈസുകളിൽ ഡിടിഎസ് ഓഡിയോ പ്രോസസ്സിങും നൽകിയിട്ടുണ്ട്.

ഇൻഫിനിക്സ് നോട്ട് 8, ഇൻഫിനിക്സ് നോട്ട് 8ഐ: ലഭ്യത

ഇൻഫിനിക്സ് നോട്ട് 8 സ്മാർട്ട്ഫോണിന് ഏകദേശം 200 ഡോളർ വില ഉണ്ടാകുമെന്നാണ് പ്രതീക്ഷിക്കുന്നത്. ഇത് ഇന്ത്യൻ വിപണിയിൽ ഏകദേശം 14,700 രൂപയാണ്. ഇതുവരെ ഈ ഡിവൈസിന്റെ വില കൃത്യമായി കമ്പനി വെളിപ്പെടുത്തിയിട്ടില്ല. ഡീപ്‌സി ലസ്റ്റർ, ഐസ്‌ലാന്റ് ഫാന്റസി, സിൽവർ ഡയമണ്ട് കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാകും. ഇൻഫിനിക്സ് നോട്ട് 8ഐയുടെ വിലയും ഇതുവരെ പ്രഖ്യാപിച്ചിട്ടില്ല. ഐസ് ഡയമണ്ട്, ഒബ്സിഡിയൻ ബ്ലാക്ക്, ട്രാൻക്വിൽ ബ്ലൂ നിറങ്ങളിൽ ഡിവൈസ് ലഭ്യമാകും. വൈകാതെ ഡിവൈസ് ഇന്ത്യൻ വിപണിയിലെത്തും.

ഇൻഫിനിക്സ് നോട്ട് 8: സവിശേഷതകൾ

രണ്ട് നാനോ സിം കാർഡ് സ്ലോട്ടുകളുമായിട്ടാണ് ഇൻഫിനിക്സ് നോട്ട് 8 സ്മാർട്ട്ഫോൺ അവതരിപ്പിച്ചിരിക്കുന്നത്. ആൻഡ്രോയിഡ് 10 ബേസ്ഡ് എക്സ്ഒഎസ് 7.1ലാണ് സ്മാർട്ട്ഫോൺ പ്രവർത്തിക്കുന്നത്. 6.95 ഇഞ്ച് എച്ച്ഡി + (720x1,640 പിക്സൽസ്) ഐപിഎസ് ഡിസ്പ്ലേയാണ് ഡിവൈസിൽ ഉള്ളത്. 20.5: 9 അസ്പാക്ട് റേഷിയോവും 480 നിറ്റ് പീക്ക് ബ്രൈറ്റ്നസുമുള്ള ഡിസ്പ്ലെയാണ് ഇത്. 6 ജിബി റാമുള്ള ഡിവൈസ് ഒക്ടാ കോർ മീഡിയടെക് ഹെലിയോ ജി80 എസ്ഒസിയുടെ കരുത്തിലാണ് പ്രവർത്തിക്കുന്നത്.

ഓട്ടോഫോക്കസ് ലെൻസുള്ള 64 മെഗാപിക്സൽ പ്രൈമറി സെൻസറടങ്ങുന്ന ക്വാഡ് റിയർ ക്യാമറ സെറ്റപ്പാണ് ഈ ഡിവൈസിൽ ഉള്ളത്. ഈ ക്യാമറ സെറ്റപ്പിൽ 2 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ, എഐ ലെൻസ് എന്നീ ക്യാമറകളാണ് ഉള്ളത്. സെൽഫികൾക്കും വീഡിയോ കോളുകൾക്കുമായി ഡിവൈസിന്റെ മുൻവശത്ത് ഡ്യുവൽ സെൽഫി ക്യാമറ സെറ്റപ്പാണ് ഉള്ളത്. 16 മെഗാപിക്സൽ പ്രൈമറി സെൻസർ, സെക്കൻഡറി പോർട്രെയിറ്റ് സെൻസർ എന്നിവയാണ് ഈ ക്യാമറ സെറ്റപ്പിൽ ഉള്ളത്.

മൈക്രോ എസ്ഡി കാർഡ് സ്ലോട്ടിലൂടെ സ്റ്റോറേജ് 2 ടിബി വരെ എക്സ്പാൻഡ് ചെയ്യാനുള്ള സംവിധാനത്തോടെയാണ് ഇൻഫിനിക്സ് നോട്ട് 8ൽ ഉള്ളത്. 4ജി എൽടിഇ, വൈ-ഫൈ 802.11ac, ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നീ കണക്ടിവിറ്റി ഓപ്ഷനുകളാണ് ഡിവൈസിൽ ഉള്ളത്. ആക്‌സിലറോമീറ്റർ, ആംബിയന്റ് ലൈറ്റ്, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവയും ഡിവൈസിൽ ഉണ്ട്. 18W ഫാസ്റ്റ് ചാർജിങ് സപ്പോർട്ടുള്ള 5,200mAh ബാറ്ററിയാണ് ഡിവൈസിൽ ഉള്ളത്.